Home Biznes Klass Uğurlu biznes üçün uğurlu iş yeməyi

Uğurlu biznes üçün uğurlu iş yeməyi

315
0
SHARE

Uğurlu biznes üçün iş yeməyi çox önəmlidir. Məhsuldar iş naharının sadə, lakin vacib qaydalarının olduğunu bilirdinizmi?

“Kişi Magazine” Bizplus.az-a istinadən bu qaydaları təqdim edir.

Səhər yeməyi, nahar, şam yeməyi və qəhvə

Onu demək lazımdır ki, “iş naharı” artıq günorta ilə məhdudlaşmır. Nahar fasiləsi vaxtı danışıqların həyata keçirilməsi ənənəsi hələ bir neçə il bundan qabaq, iş gününün 9:00-dan 17:00-a qədər olduğu vaxtlardan yaranıb. Hazırda isə iş mühiti gecə-gündüz, istirahət günləri olmadan (24/7) fəaliyyət göstərir. Bir çox biznesmenlərin artıq yadında deyil ki, onların nə vaxtsa səkkiz saatlıq iş günü və ya rahat istirahət günləri olub. Bu isə o deməkdir ki, iş naharı günün istənilən saatı (səhər, günorta və axşam) həyata keçirilir.

Müzakirə olunacaq məsələlər və məqsəd

İş görüşməsi qida qəbulu zamanı baş verirsə, onda siz çox asanlıqla görüşün əsl mahiyyətindən yayına bilərsiniz. Dadlı yemək və içkilərə baxmayaraq, hər zaman yadda saxlamaq lazımdır ki, bu, iş görüşməsidir. Uyğun olaraq, iş görüşməsi üçün müzakirə olunacaq məsələlər və çatılması vacib olan məqsədi müəyyənləşdirin.

Bu sadəcə olaraq biznesdir, şəxsi bir şey yoxdur

Qida qəbulu rahatlıq və məmnunluq hissi yaradır. Lakin bizə komfortlu olduğu zaman, biz görüşün məqsədini yaddan çıxara bilərik və hətta vəziyyət o yerə çata bilər ki, biz iş tərəfdaşımızı yaxın dostumuz kimi qəbul edə bilərik. Növbəti iş naharı zamanı bunu yadda saxlayın. Əlbəttə görüşü nisbətən “yumşaq söhbətlərdən” başlamaq olar, lakin bu zaman çox dərinliklərə getməməli və şəxsi məsələlərin müzakirəsinə yol verilməməlidir. Hər şey yalnız biznesə aid olmalıdır. Sizin müzakirə edəcəyiniz məsələlər siyahınız və məqsədiniz var. Lakin qeyri-formal mövzular məqsədə çatmaqda sizə kömək edəcəksə, ondan istifadə edin.

Alkoqollu içkilərdən istifadə etməyin

İş gününün ortasında qəbul edilmiş alkoqollu içki qədər heç nə insanın özünə inamını məhv edə bilməz. Stol arxasında qədəh vurmaqla aparılan  ənənəvi biznes görüşlərini unudun. Alkoqol insanın potensialını və imkanlarını azaldır. Siz görüşü məhv etmək və qoyulan məqsədə çatmamaq istəyirsiniz? İş gününün yarısında alkoqol qəbul edən insan təsiri bağışlamaq istəyirsiniz? Əlbəttə ki, yox. Ona görə də, alkoqola qəti şəkildə “yox” deyin.

 

Mobil telefonunuzu söndürün

İş yeməyi əsnasında telefonunuzun zəng çalması və sizin cavab verməyiniz yemək qaydalarını bilmədiyinizi göstərir. Bu davranışınız qarşınızdakı insanın zənginə cavab verdiyiniz şəxsin sizin üçün ondan daha önəmli olduğunu düşünməsinə səbəb ola bilər. Əgər telefonunuzun qapalı qalmaması zəruridirsə, telefonunuzu səssiz rejimə qoyun. Önəmli bir iş yeməyi sırasında müştərilərinizin rahatlığını gözardı etmək olmaz.

Qoyun onlar danışsınlar

Söhbət zamanı kiminsə dayanmadan danışmasını heç kim xoşlamır. İnsanlar diqqətlə və maraqla dinləyənlərlə söhbət etməyi daha üstün tuturlar. Danışmaq əvəzinə daha çox dinləyin. Çox açıqlıqlara varmadan etibarlı insan təsiri bağışlayacaq qədər özünüz haqqında məlumat verin və daha sonra tamamilə həmsöhbətiniz üzərində diqqətinizi cəmləyin.

Davranış tərzi

Hər zaman restoran işçilərinə nəzakətli davranın, xüsusilə də ofisiantlara. Bəzi əskikliklərlə qarşı-qarşıya qalsanız belə, bu davranışınızı davam etdirin. Nümunə üçün, yeməyiniz soyuq servis edilmiş və ya üzərinizə yemək sıçramış ola bilər. Duyğularınızı hər zaman nəzarətdə saxlayın.

Hesabı ödəyin

Görüşə dəvət edən insan bir qayda olaraq, hesabı da ödəməlidir. Uyğun olaraq, əgər siz iş görüşməsi həyata keçirməyi təklif etmisinizsə, onda ofisiant hesabı gətirdiyi andaca kredit kartını stolun üstünə qoyun. Bundan əlavə görüşün sonunda hətta zarafatla belə olsa da, xərcləri ödədiyinizi heç vaxt xatırlatmayın. Zarafat etdiyinizə baxmayaraq, həmsöhbətiniz bunu məzəmmət kimi qəbul edə bilər və növbəti dəfə sizinlə görüşmək istəməyə bilər. Ən sonda isə onu deyə bilərik ki, əgər həmsöhbətiniz hesabı bütünlükdə və ya yarısını ödəməkdə təkid edirsə, onda etiraz etməyin.

LEAVE A REPLY

Please enter your comment!
Please enter your name here