SHARE
Hər qadının arzusudur ki, onu sevən, başa düşən, ona qayğı göstərən, sadiq biri ilə ailə həyatı qursun. Lakin bu heç də arzulanan kimi olmur. Xoşbəxt ailə münasibətləri üçün isə düzgün seçim çox önəmlidir.
Məqalədə təqdim edəcəyimiz 7 kişi tipi sizə bu işdə köməklik edəcək.
Xanımların arzusu romantik  kişi 
Romantik kişini dərhal tanıyacaqsınız. O, sizə gül və şirniyyat almağı, sizi işdən evə qədər ötürməyi çox sevir. Romantika dolu görüşlər təşkil edir – şam işığında yemək süfrəsi, günəşin batmasına tamaşa etmək, şeir demək və s. Belə kişilərin idealı kübar, zərif, romantik istəklərini bəyənən və dəstəkləyən qadındır. Əgər siz həyata real baxan, romantikanı sevməyən, sərbəst həyat tərzi sürən, bir qədər də acıdil xanımsınızsa, romantik kişi ilə münasibətiniz baş tutmayacaq. Belə ki, romantik kişilər sakit təbiətli, mehriban və incə səsli, mənalı baxışlı xanımlara üstünlük verirlər.

Ciddi görünüşü ilə cəzb edən iş adamı

O, daim məşğuldur. Onun dost–tanışları ciddi iş adamlarıdır. Günü işgüzar zənglər, danışıqlar, görüşlər, müqavilə bağlamaqla keçir.
Belə kişilər etibarlı həyat yoldaşı seçirlər. Onlar evə gələndə rahat olmaq, problemlərdən uzaqlaşmaq istəyirlər. Səliqəli ev, dadlı yeməklər, mehriban həyat yoldaşı, bir sözlə ev və sevdiyi qadın onun möhkəm qəsri olmalıdır. Bütün bunlarla yanaşı, təbiətcə tələbkar olan belə kişilər qadının onların zövqünə uyğun olmasını arzulayırlar. Əgər siz onun bütün bu istəklərinə cavab verirsinizsə, xanımı ola bilərsiniz.

Xanımlar üçün sürpriz kişi

Onunla həyat gözlənilməz və macərayla doludur. Belə kişilər çox cəld olur, gözlənilməyən qərarlar verir, müntəzəm olaraq xəbərlər və yeniliklərlə maraqlanır. Daim sizin üçün yeni əyləncələr fikirləşir. Bir sözlə, onunla darıxmayacaqsınız. Onunla keçirdiyiniz görüşlər bayramı xatırladır. Əgər siz səs-küyü, əyləncəni, macəralı həyatı deyil, sakitliyi istəyirsinizsə, “sürpriz” kişi sizin yarınız deyil. Bəzi qadınlar sakit həyat tərzini, evdə oturub seriala və ya onu maraqlandıran verilişlərə baxmağı sevir ki, belə ərlə onları xoşbəxtlik gözləmir.

O, səni hər şeydən qoruyan çin səddindir

Sakit və özünə əmin adamdır. Onun həyatı stabil, gələcəyi isə əvvəlcədən planlaşdırılıb. Qəfil və gözlənilməyən qərarlar onun təbiətinə uyğun deyil. Belə kişilər bir aydan, hətta bir ildən sonra da atacağı addımları bilir. O, heç vaxt xanımını qısqanmır, çünki özünə güvənir. Bilir ki, hər nə olsa da qadın onu həmişə arzulayacaq. Belə kişi ilə qadın problemlərin həllini düşünmür və hər məsələdə ona arxayın olur. Məsuliyyətli olan belə kişilər bütün problemləri özləri həll edir. Lakin onlar yalnız sevdiyi xanımları onların tələblərinə və istəklərinə cavab verirsə, onun problemlərini həll etməyə hazırdılar.

Səni çərçivədən çıxara bilən azadlığı  sevən kişi

Heç nə planlaşdırmır və sabah nə edəcəyini bilmir. Azadlığı sevir, məsuliyyət, problemləri isə həll etmir, onlardan qaçır. Gününü əyləncələrə həsr edir. Əgər siz sabah hara gedəcəyinizi bilmirsiniz və gələcək üçün plan tutmursunuzsa, bu kişi sizə uyğundur. O, sərbəst, heç bir qaydanı, adəti, çərçivəni gözləməyən, macəra və əyləncə dalınca elə indicə qaçmağa hazır olan kişidir. Nəzərə alın ki, onunla sabahın necə olacağını da bilməyəcəksiniz. Belə kişi ilə münasibətin müsbət tərəfi isə odur ki, o, sizi darıxmağa qoymayacaq.

Neqativ düşünən kişi

Təəssüf ki, belə kişi ilə də rastlaşa bilərsiniz. İlk baxışdan uğurlu iş adamı təəssüratı oyadan bu kişilər evdə mənfi emosiyalarını biruzə verən insandır. O, daim neqativ düşüncələrini bölüşərək sizi sıxa bilər. Amma belə kişi ilə özünüzü onun problemlərini tam anlayan ana kimi apara bilərsiniz. Onun ümidi və dayağı olaraq onu karyerada yuxarıya doğru istiqamətləndirmək, yüksək gəlir əldə etməyə ruhlandırmaq mümkündür. Sonda nəticə ilə qürur duya bilərsiniz. Axı, o, sizin dəstəyiniz olmadan bunlara nail ola bilməzdi. Lakin belə kişi ilə münasibət qurmazdan əvvəl yaxşı düşünün. Sizin bunu etməyə gücünüz çatacaqmı? İkinizin əvəzinə də hər şeyi edə biləcəksinizmi? Belə bir kişi ilə həyat qursanız öz karyeranızı unutmağa məcbur olacaqsınız.

Çoxsaylı romanları ilə məşhur olan həyatında ötəri insan

Sadaladığımız istənilən kişi tipi altında maskalanan belə insanın fərqli cəhəti odur ki, o, sizinlə həyatının çətin anları bitənədək qalacaq. O, həyatında baş verən problemləri həll etmək və başına gələ biləcək daha yaxşı hadisələri gözləmək üçün sizinlə birlikdədir. Ola bilsin, o, öz məqsədləri üçün sizdən istifadə edir və ya siz onu sadəcə sakitləşdirirsiniz . Düzdür, bu sizin ağlınıza gəlmir. O, sizi elə inandırıb ki…

Siz yaraşıqlı, işgüzar, dadlı yeməklər bişirməyi bacaran, səliqəli, mehriban və cazibədarsınız. Sizin hələ çox müsbət keyfiyyətləriniz var. Ancaq o, idealını gözləyir. Sizinlə münasibət həmişə keçid xarakterini daşıyacaq. Belə kişi öz idealına oxşar obrazda qadın görən kimi münasibətlərinizə son qoyacaq. O, sonradan növbəti qurbanının da onun idealı olmadığını anlayıb, hətta sizin yanınıza qayıda da bilər. Onu əsla qəbul etməyin. O, sizinlə yenə də belə edə bilər. Növbəti dəfənin sonuncu olma ehtimalı daha çoxdur. Belə insanlar daim axtarışda olduğu üçün çoxlu sayda sevgi romanları yaşayır və nadir halda xoşbəxt ola bilirlər.

Mənbə: lent.az

LEAVE A REPLY

Please enter your comment!
Please enter your name here