Home KİŞİ MƏTBƏXDƏ Kababı bu dəfə yuxa ilə hazırlayın

Kababı bu dəfə yuxa ilə hazırlayın

419
0
SHARE

Mətbəxdə fərqli ləzzətlər hazırlamaq istəyənlər daim yeni kəşflər edirlər.

Dadına öyrəşdiyimiz yeməkləri fərqli formalarda və dadlarda bişirmək istəyirlər. Kişi Magazine də Ailem.az-a istinadən bu dəfə sizə fərqli bir yeməyin bişirilmə qaydasını təqdim edir.

Yuxa kababı üçün lazım olanlar:

  • 400 qr yağlı qiymə
  • 1 ədəd yuxa
  • 1 çay qaşığı bibər tomatı
  • 5 diş sarımsaq
  • 1 ədəd soğan
  • 2 kasa qatıq (servis üçün)
  • 1 çay qaşığı istiot
  • 1 çay qaşığı duz

Sousu üçün:

  • 3 xörək qaşığı kərə yağı
  • 1 yemək qaşığı pomidor tomatı
  • 2 xörək qaşığı duru yağ

Hazırlanması:

Qiyməni geniş bir qaba qoyub, üzərinə rəndələnmiş soğan və sarımsaq əlavə edin. Tomat, duz və istiot da töküb yaxşıca qarışdırın. Yuxanı stola sərib iki yerə bölün.

Qarışdırdığınız qiyməni yuxanın geniş kənarına qoyun. Sonra yuxanı rulet şəklində bükün. Eyni prosesi digər yuxaya da tətbiq edin. Yuxaları əvvəlcədən qızdırılmış 200 dərəcəlik sobada üzəri qızarına qədər bişirin. Qiyməli yuxalar bişərkən bir yandan sousunu hazırlamaq üçün kərə yağını tavada əridin. Əriyən kərə yağına duru yağı və tomatı əlavə edin. (Sous qatı olarsa, az miqdarda su əlavə edə bilərsiniz). Qızaran yuxaları sobadan çıxarıb servis boşqabına qoyun. Üzərinə bişən tomatlı sousu gəzdirin. Yanına qatıq qoyaraq isti-isti servis edin.

Nuş olsun!

 

LEAVE A REPLY

Please enter your comment!
Please enter your name here